यहि असोज ७ र ८ गते श्रीकूल विद्यालयको आयोजनामा तथा ब्लुवर्ड एडुकेसन नेटवर्कको सहआयोजनामा प्रथम श्रीकूल अन्तर विद्यालय फुटसल प्रतियोगिता सम्पन्न भएको छ । उपत्यकका १९ वटा विद्यालयको सहभागिता रहेको उक्त प्रतियोगितामा तीन वटा विधामा प्रतिस्प्रर्धी भएको थियो ।
सिनिअर् छात्राको २१ वटा समूहका प्रतिस्प्रर्धा भएको थियो भने ७ वटा छात्राहरुको समूह तथा ४ जुनिएर छात्रहरुले प्रतिस्प्रर्धा गरेका थिए । दुई दिनसम्म चलेको खेलको उद्धघाटन अखिल नेपाल फुटबल संङ्को केन्द्रिय सदस्य तथा फुटसलका संयोजक श्री दावा कुङग् लामाले गर्नुभएको थियो भने पुरस्कार, मेडल, सर्टिर्फिकेट तथा ट्रफि प्रमुख अतिथि प्रदेश ३ का सभासद् माननीय जीवन खड्का तथा ब्लुवर्ड एडुकेसन नेटवर्कका सिइओ वीर सिङ् क्षेत्रीले गर्नु भएको थियो । उक्त प्रतियोगितामा भैँसीपार्टी स्थित गोल् पोष्ट फुटसल्मा भएको थियो ।
उद्धघाटन समारोहमा श्रीकूल स्कूलमा अध्यक्ष दीपक राज जोशी तथा ललितपुर बेस बल संघका अध्यक्ष केसव थापा लगायतको उपस्थिति थियो । सिनिअर छात्रहरुको प्रतियोगितामा मर्सि मिसन एकेडेमी प्रथम, श्रीकूल विद्यालय दोस्रो तथा एस गुरुकुल तेस्रो भएका थिए । छात्राहरु तर्फ ब्लुबर्ड स्कूल प्रथम, हाई भिउ स्कूल दोस्रो तथा आदर्श विद्या सदन (एभिएस) तेस्रो भएका थिए । त्यस्तै जुलियर छात्र तर्फ ब्लुबर्ड स्कूल प्रथम, श्रीकूल स्कूल दोस्रो तथा मन्जुश्री स्कूल तेस्रो भएका थिए ।
विद्यालय प्रिन्सिपल शिवेन्द्र कार्कीले विद्यालयले यस किसिमका प्रतियोगिता हेरक वर्ष गरिने जानकारी दिनु भयो ।
